அந்திமாலைப் பொழுதில்
அமைதியாய் அமரு.
அன்றைய தினத்தின்
நிகழ்வுகளை நினைவுகூறு.
செவிவழி சென்று
இதயத்தை நனைத்த
ஒரு சொல்லேனும் உதிர்த்த
நாளெல்லாம்
நன்றாய்க் கழிந்த திருநாளே.
சூரிய கிரணமாய் உன் ஒரு செயல்
புரை தீர்ந்த நன்மை பயத்த
நாளெல்லாம் நன்னாளே.
மனமதை மகிழ்விக்காத
முகமெதுவும் மலர்த்தாத
ஓருயிருக்கும் உற்றது செய்யாத
நாளதுவும்
கழிந்துவிட்ட கரிநாளே !!!
கழிந்த நாட்களில்
கரிநாட்களைக் கழித்துவிட்டே
வாழ்ந்த நாட்களைக்
கணக்கில் கொள்
