செய்யும் தொழிலே தெய்வம்

செல்லரித்து கரையும் தேகம்
புல்லரிக்கவும் வேண்டுமா ?

கனவுகளை மட்டும் விதைத்து
அறுவடை செய்யவும் இயலுமா?

காற்றிலே வார்த்தைகள் தூவி
காவியம் பாடவும் முடியுமா?

வண்ணமின்றி தண்ணீர் கொண்டு
ஓவியம் தீட்டவும் கூடுமோ?

சத்தமின்றி ச்வரங்களுமின்றி
இனிதாய் இசைக்க இயலுமா?

எண்ணங்களைக் குவியலாக்கி
நூதனம் படைக்கவும் முடியுமா?

நிலத்தை, மனதை, மொழியை உழுது
படைக்கும் அமுது ஐம்புலனுக்கும் நல்ல விருந்து.

என்னுடைய முதல் ப்ளாக்

காரணமின்றி காரியம் இல்லை.
எல்லாம் அவன் செயல்.

இறைவா உன்னை அறியும் தகுதி வேண்டும்
நான் எனும் அகம்பாவம் நீங்க வேண்டும்
தன்னைத்தான் அறிதல் வேண்டும்
கனவிலும் நன்மையே விளைய வேண்டும்
வெற்றி தோல்வி சமமென காணும் அறிவும்
அயற்சியற்ற முயற்சியும்
முயற்சியில் தெளிவும்
தெளிவில் மகிழ்ச்சியும்
கொஞ்சமே இங்கு வேண்டும்
வெற்றியில் இறைவன்
தோல்வியில் மானுடம்
மறவாதிருக்கும் வரம் வேண்டும்