மாயாவி மனம்

மனம் ஒரு மாயாவி.
விரும்புவது காட்டும் 
மாயக் கண்ணாடி.
கேட்குமிடம் இட்டுச் செல்லும்
மாயக் குதிரை...

விருப்பங்களை வித்தாக்கி
எண்ணங்களை எருவாக்கிக்
கனவுகளைப் பயிராக்கும்
மாய நிலம்.

கடிவாளமிட்டால் சீராய் ஓடும்.
கடிவாளமதைத்
தொலைத்து விட்டால்...
நமை ஏய்த்து விட்டு
தறி கேட்டு ஓடியாடி 
அர்த்தமற்ற ஆசைவலையில்
சிக்கவைத்து
இழுத்தும் செல்லும்.

உறுதியாயிரு!
அறுதியிடு! வேலியிடு!
உழுது உழுது களையெடு!
மூச்சு நிற்கும் காலம் வரை!

எழுதிய நாள்: ௦௧-௧௫-௨௦௧௧