அன்னையர் தின வாழ்த்துக்கள்...

அம்மா 

கதகதப்பாய் உன் திருவயிற்றினுள்
துள்ளும் இசையாய் உன் இதயத்துடிப்பு
எங்கிருந்தோ உன் குரலொலி 
என்னிடம் நீ பேசும்போது
எனக்குள்ளே ஒரு சிலிர்ப்பு
உன்முகம் காண அடங்காத ஆவல்
தயக்கமின்றி வெளி வந்தேன்
அன்பாய் மலர்ந்த உன்முகமலர்
உனைப் பார்க்கும் போது 
எனக்குள்ளே ஓர் அமைதி
உன்மொழி எனக்கொரு இன்னிசை
என்குரல் கேட்டு நீயும் கிறங்குகிறாய்
என்முகம் பார்த்து நீயும் உன்னை மறக்கிறாய் 
நீயும் நானும் ஓருயிர் தானே!
வெவ்வேறாய் ஆனது எப்போது?