தமிழமுதம்

தமிழமுதம்

பாரதி!
உன் கூற்று பொய்யடா!
இதோ... இங்கே... தமிழ்...
அழகாய், மழலையாய்... சீராய் வளர்கிறது
அமுதாய் இனிக்கிறது
தளிராய் தழைக்கிறது
நிலவாய் ஒளிர்கிறது
இதயத்தை நனைக்கிறது

தமிழ் இனி மெல்லச்சாகும் என
என் தமிழுக்கு சாவு மணி அடித்தவனே!
கல்லறையினின்று எழுந்து வா!
உன் தமிழ் மிளிர்வது கண்டு குளிர்ந்து போ!

 வள்ளுவனே! எமை மன்னியும்!
குழலினிது யாழினிது என்பர்
எங்கள் தமிழ் மொழி அறியாதவர்கள்...